समताच्या विद्यार्थ्यांनी दिल्लीतील आयआयटीत फडकविला झेंडा

कोपरगाव : दिल्ली येथील भारतीय औद्योगिक संस्था (आय.आय.टी) आयोजित इडीसी (Entrepreneurship Development Cell) अंतर्गत  प्रतिष्ठेच्या समजल्या जाणाऱ्या एलएफआर रोबोटिक्स स्पर्धेत अहिल्यानगर जिल्ह्यातील कोपरगाव येथील समता इंटरनॅशनल स्कूलच्या ‘निऑन नेव्हीगेटर्स’ संघाने मिळालेली संधी स्वीकारत सेकंड रनर अप चा मान मिळवत आयआयटीत समता इंटरनॅशनल स्कूलच्या विद्यार्थ्यांनी समताचा झेंडा फडकवत यश संपादन केले आहे.

      निऑन नेव्हीगेटर्स संघात दृष्टी लोकचंदानी, सिद्धेश ठोंबरे, जयेश वाघ, ॲना वेस्ली, आयुषिका कुमार, सुयश शिंदे यांचा समावेश होता. या स्पर्धेत १३८ संघांनी सहभाग नोंदविला होता. १ हजारच्या आसपास या स्पर्धेत विद्यार्थी सहभागी झाले होते.

       नव नवीन उपक्रमांचे केंद्र असलेल्या दिल्ली येथील आयआयटी देशातील तरुणांना अमर्याद शोध घेण्यासाठी प्रेरित करत असते. या यशामुळे समता इंटरनॅशनल स्कूलच्या इतर विद्यार्थ्यांना देखील प्रेरणा मिळाली असून ही विद्यार्थ्यांसाठी परिवर्तनरुपी संधी निर्माण झाली आहे. यश संपादन केलेल्या या विद्यार्थ्यांना समता इंटरनॅशनल स्कूलचे आयटी विभाग प्रमुख उदय पाटील व विभागातील शिक्षकांचे मार्गदर्शन व सहकार्य लाभले.

     समता इंटरनॅशनल स्कूलच्या या यशस्वी विद्यार्थ्यांचे स्कूलचे संस्थापक ओमप्रकाश दादाप्पा तथा काका कोयटे, कार्यकारी विश्वस्त सौ.स्वाती संदीप कोयटे, शालेय व्यवस्थापन समिती सदस्य, प्राचार्य डॉ.समीर अत्तार, कार्यालयीन अधीक्षक सुरेश शिंदे, पालक वर्ग, शिक्षक – शिक्षकेतर कर्मचारी आदींनी अभिनंदन करत पुढील वाटचालीसाठी शुभेच्छा दिल्या. कोपरगाव तालुक्यातील सर्व स्तरातून यश मिळविलेल्या या विद्यार्थ्यांचे कौतुक होत असून अभिनंदनाचा वर्षाव होत आहे.